കമ്പ്യൂട്ടർ നെറ്റ്‌വർക്ക്

ഒരു കമ്പ്യൂട്ടർ ലെ വിവരങ്ങൾ മറ്റു കമ്പ്യൂട്ടറിന് കൈമാറുവാൻ വേണ്ടിയാണു കമ്പ്യൂട്ടർ നെറ്റ്‌വർക്ക്. കമ്പ്യൂട്ടറുകൾ തമ്മിൽ ഘടിപ്പിക്കുവാൻ വേണ്ടി സ്വിച്ച് ഉപയോഗിക്കുന്നു. ഒരു സ്വിച്ചിൽ ഘടിപ്പിച്ചിരിക്കുന്ന കമ്പ്യൂട്ടറുകൾ തമ്മിൽ മനസ്സിലാക്കാൻ ഓരോ കമ്പ്യൂട്ടറിനും വ്യക്തിത്വം അഥവാ ഐഡന്റിറ്റി ഉണ്ട്. കമ്പ്യൂട്ടറുകൾ തമ്മിൽ വിവരങ്ങൾ കൈമാറുന്നത് പാക്കറ്റ് ആയിട്ടാണ്. ഈ പാക്കറ്റുകൾ കേബിൾ വഴിയോ വൈർലെസ്സ് വഴിയോ കൈമാറ്റം ചെയ്യാൻ സാധിക്കും.

കമ്പ്യൂട്ടർ നെറ്റ്‌വർക്കിനു ഒരു നിർവചനം പറയുകയാണെങ്കിൽ, ഒരു കൂട്ടം കമ്പ്യൂട്ടറുകൾ അവ തമ്മിൽ അനുബന്ധമായ ഹാർഡ്വെയറുകൾ ഉപയോഗിച്ച് ഒരു വിവരങ്ങൾ കൈമാറ്റം ചെയ്യുവാൻ വേണ്ടി നിർമ്മിക്കുന്ന ഒരു വിനിമയം ആണ്. ഇന്നു ലോകത്തെവിടെയും ആശയവിനിമയം നടത്തുന്നത് കമ്പ്യൂട്ടർ നെറ്റ്‌വർക്ക് വഴിയാണ്. ഏറ്റവും വലിയ ഉദാഹരണം ഇന്റർനെറ്റ്‌ ആണ്. ലോകത്തിലെ ഏറ്റവും വലിയ കമ്പ്യൂട്ടർ നെറ്റ്‌വർക്കുo ഇന്റർനെറ്റ്‌ ആണ്.


കമ്പ്യൂട്ടർ നെറ്റ്‌വർക്കിനു വേണ്ട അനുബന്ധ ഹാർഡ്വെയറുകൾ എന്തൊക്കെ ആണന്നു നോക്കാം.

ആദ്യം വേണ്ടത് നെറ്റ്‌വർക്ക് കേബിൾ ആണ്. കമ്പ്യൂട്ടറിൽ നിന്നും വിവരങ്ങൾ കൈമാറ്റം ചെയ്യുന്നത് ഈ കേബിളുകൾ വഴിയാണ്. ഒപ്ടികൽ ഫൈബർ കേബിൾ ആണ് ഇതിനായി ഉപയോഗിക്കുന്നത്.

ഈ കേബിളുകൾ ഉപയോഗിച്ച്, കമ്പ്യൂട്ടറിനെ ഒരു distributor മായി ഘടിപ്പിക്കുന്നു. പല തരത്തിലുള്ള distributor ഉണ്ട്. അതിലൊന്നാണ് router. router ഒരു കേന്ദ്ര ബിന്ദുവായി (central point ) പ്രവര്ത്തിച്ചു, കമ്പ്യൂട്ടറുകളെ ഘടിപ്പിച്ചു വിവര വിനിമയവും കൈമാറ്റവും സാധ്യമാക്കുന്നു. കമ്പ്യൂട്ടറുകൾ router ന്റെ പോർട്ടിൽ ഘടിപ്പിക്കുന്നു. ഒരു കമ്പ്യൂട്ടർ router മായി ഘടിപ്പിക്കുമ്പോൾ, ആ കമ്പ്യൂട്ടറിൽ അത്യാവശ്യമായി വേണ്ടത് ഒരു നെറ്റ്‌വർക്ക് കാർഡ്‌ ആണ്. ഈ കാർഡിനെ നെറ്റ്‌വർക്ക് അഡാപ്റ്റർ എന്നും നെറ്റ്‌വർക്ക് ഇന്റർഫേസ് കാർഡ്‌ എന്നും വിളിക്കാറുണ്ട്. ഇന്ന് ലഭ്യമായ കമ്പ്യൂട്ടറുകൾക്ക് നെറ്റ്‌വർക്ക് കാർഡ്‌ ഉണ്ടായിരിക്കുന്നതാണ്.


കമ്പ്യൂട്ടർ നെറ്റ്‌വർക്കിന്റെ കൂടുതൽ വിശദാംശങ്ങൾ, IOS/OSI പാളികളെ കുറിച്ചും കൂടുതൽ ശാസ്ത്രീയമായി വരുംകാല പോസ്റ്റുകളിൽ പ്രതിപാദിക്കുന്നതാണ്.

കമ്പ്യൂട്ടർ ന്റെ ഉൽപത്തിയും ഇന്നത്തെ കമ്പ്യൂട്ടർ ലേക്കുള്ള വളർച്ചയും

ഓരോ കാലഘട്ടത്തിലെ കണ്ടു പിടുത്തങ്ങൾ ശാസ്ത്രശാഹയുടെ വളർച്ച , കമ്പ്യൂട്ടർ നെയും പുതു രീതികളും ഭാവങ്ങളിലും മാറ്റങ്ങൾ വരുത്തി. ആദിമ കമ്പ്യൂട്ടർകൾ, vacuum ട്യൂബ് അടിസ്ഥാനപ്പെടുത്തിയായിരുന്നു. ഇവയെ ഒന്നാമത്തെ ജെനെറേഷൻ  എന്ന് പറയുന്നു. 1940 കളുടെ അവസാനവും 1950 കളും ആയിരുന്നു ഈ കണ്ടു പിടുത്തങ്ങൾ കൂടുതൽ നടന്നത്. അന്നത്തെ കമ്പ്യൂട്ടറുകൾ ഭീമാകാരന്മാർ ആയിരുന്നു. അതിനു പ്രധാന കാരണവും vacuum ട്യൂബുകളുടെ വലുപ്പം തന്നെ ആയിരുന്നു.

പിന്നീടു electronics ശാസ്ത്രശാഹയുടെ വളർച്ച transistor കളുടെ കണ്ടുപിടുത്തത്തിൽ എത്തി. അതു പതിയെ കമ്പ്യൂട്ടർ ശാസ്ത്രശാഹയിലും മാറ്റങ്ങൾ വരുത്തി. vacuum ട്യൂബുകളെ പൂർണ്ണമായും മാറ്റി, transistor ഉപയോഗിച്ചു. ഇവയെ രണ്ടാം ജെനെറേഷൻ  എന്ന് പറയുന്നു.1960 കളുടെ ആരംഭത്തിലാണ്‌ ഈ കണ്ടുപിടുത്തങ്ങളും വളർച്ചയും നടന്നത്. രണ്ടാം ജെനെറേഷനിലെ കമ്പ്യൂട്ടർകൾക്ക്, താരതമ്യേനെ വലുപ്പം കുറവായിരുന്നു.

transistor ഇൽ നിന്നും integrated circuit ന്റെ വളർച്ച കമ്പ്യൂട്ടറിലും പ്രതിഫലിച്ചു. 1960 കളുടെ രണ്ടാം പാദത്തിൽ മൂന്നാം ജെനെറേഷൻ  കമ്പ്യൂട്ടറുകൾ നിര്മ്മിക്കപ്പെട്ടു. ഇവയുടെ വലുപ്പം വീണ്ടും കുറഞ്ഞു, ഒപ്പം തന്നെ കൂടുതൽ കൂടുതൽ പ്രവർത്തനങ്ങൾക്ക് സജ്ജമാക്കപ്പെടുകയും.

നാലും അഞ്ചും ജെനെറേഷനുകൾ, microprocessor ശാസ്ത്രശാഹയുടെ മറ്റൊരു വളർച്ച ആണ്. ഇന്നത്തെ പുതു കമ്പ്യൂട്ടർ തലമുറ ഈ വളർച്ചയുടെ ഭാഗമാണ്. ഇന്നത്തെ കമ്പ്യൂട്ടർ ന്റെ പ്രവർത്തന സജ്ജതയും, വേഗവും,വലുപ്പവും എല്ലാം ഈ ജെനെറേഷനുകളുടെ സംഭാവന ആണ്.നാലാം ജെനെറേഷൻ   VLSI microprocessor അടിസ്ഥാനപ്പെടുത്തിയും അഞ്ചാം ജെനെറേഷൻ  ULSI microprocessor അടിസ്ഥാനപ്പെടുത്തിയും ആണ്.

കമ്പ്യൂട്ടർ - ഒരു അവലോകനം

കമ്പ്യൂട്ടർ നു പല പല യന്ത്ര ഭാഗങ്ങൾ ഉണ്ട്. അവ ഓരോന്നും ഓരോ പ്രവർത്തനങ്ങൾക്ക് വേണ്ടി രൂപ കല്പന ചെയ്തതാണ്. കമ്പ്യൂട്ടർ ന്റെ യന്ത്ര ഭാഗങ്ങളെ hardware എന്നും അതിന്റെ പ്രവർത്തന ക്ഷമതക്കു വേണ്ടി  നമ്മൾ എഴുതുന്ന പ്രോഗ്രാമുകൾ അഥവാ പ്രോഗ്രാമുകളുടെ കൂട്ടത്തെ software എന്നും പറയുന്നു.

കമ്പ്യൂട്ടർ ഹാർഡ്‌വെയറുകൾ, പ്രധാനമായും താഴെ പറയുന്ന പ്രവർത്തനങ്ങളാൽ അധിഷ്ടിതമാണ്.
1. Input Unit
2. Output Unit
3. Central Processing Unit

input unit

കമ്പ്യൂട്ടർ ലേക്ക് വിവരങ്ങൾ നൽകാൻ വേണ്ടിയുള്ള യന്ത്രഭാഗങ്ങൾ ആണ്. നമുക്ക് പല തരത്തിലുള്ള input units കാണാൻ സാധിക്കും. താഴെ കൊടുക്കുന്നത് അവയിൽ ചിലത് മാത്രം .

1. Keyboard

കീ ബോർഡ്‌ ആണ് സര്വ്വപ്രിയവും ഏറ്റവും കൂടുതൽ ഉപയോഗിക്കുന്നതുമായ ഇന്പുട്ട് യുണിറ്റ്. കീ ബോർഡ്‌, പരമ്പരാഗതമായ ടൈപ്പ് റൈറ്റർ മാതൃകയിലാണ് കീകൾ ക്രമപ്പെടുത്തിയിരിക്കുന്നത്. ടൈപ്പ് റൈറ്റർ ലെ കീകളെക്കാൾ അധികമായി functional കീകളും ഉണ്ട്. കീ ബോർഡ്‌ ഉപയോഗിച്ച്, നമുക്ക് കമ്പ്യൂട്ടർ നു ആവശ്യമായ വിവരങ്ങൾ ടൈപ്പ് ചെയ്തു നൽകാനാകും.

2. Mouse

കീ ബോർഡ്‌ നെ പോലെ മൗസ് ഉം സർവ്വസാധാരണമായ ഒരു pointing ഇൻപുട്ട് യുണിറ്റ് ആണ്. കീ ബോർഡ്‌, ടൈപ്പ് ചെയ്യാനാണ് ഉപയോഗിക്കുന്നതെങ്കിൽ മൗസ് ഒരു സ്ഥലം പോയിന്റ്‌ ചെയ്യാൻ വേണ്ടി ആണ് ഉപയോഗിക്കുന്നത്. മൗസിൽ സാധാരണയായി രണ്ടു കീകൾ ആണുള്ളത്.

3. scanner

Scanner കൂടുതലായും ഉപയോഗിക്കുന്നത് പേപ്പർ ഇൽ ഉള്ള വിവരങ്ങൾ കമ്പ്യൂട്ടർ നു ഇന്പുട്ട് ആയി കൊടുക്കുവാനാണ്. ഇത് ഫോട്ടോസ്റ്റാറ്റ് മെഷീൻ പോലെ ആണ് പ്രവർത്തിക്കുന്നത്. Scanner ഉപയോഗിച്ച് , പേപ്പർ ഇൽ ഉള്ള വിവരങ്ങൾ കമ്പ്യൂട്ടർ ന്റെ ഹാർഡ് ഡിസ്ക് ലേക്ക് ഫയൽ ആയി സൂക്ഷിക്കാൻ സാധിക്കും.

output unit

കമ്പ്യൂട്ടർ, നമ്മൾ കൊടുക്കുന്ന വിവരങ്ങൾ ഉപയോഗിച്ച് നമ്മളാൽ എഴുതപ്പെട്ട പ്രോഗ്രാമുകൾ കൊണ്ടുള്ള പ്രവർത്തനത്തിനു ശേഷം, ഫലം നമ്മളെ കാണിക്കുവാൻ അല്ലെങ്കിൽ നമ്മളിലെക്കെത്തിക്കുവാൻ വേണ്ടിയുള്ള യന്ത്രങ്ങൾ ആണ്. താഴെ കൊടുക്കുന്നവയാണ് സർവ്വസാധാരണയായി ഉപയോഗിക്കുന്ന ഔട്പുട്ട് യുണിറ്റുകൾ.

1. Monitor

മോണിറ്റർ ന്റെ മറ്റൊരു പേരാണ് Visual Display Unit.ചെറിയ ചെറിയ കുത്തുകൾ കൊണ്ട് മോണിറ്റർ ന്റെ ഡിസ്പ്ലേ നിര്മ്മിച്ചിരിക്കുന്നത്. ആ കുത്തുകളെ പിക്സെൽ എന്ന് പറയുന്നു. ഒരു പ്രതലത്തിലെ കുത്തുകളുടെ എണ്ണം കൂടുന്നത് അനുസരിച്ച്, ചിത്രങ്ങളുടെ വ്യക്തത കൂടുന്നതാണ്.

2. Printer

Printer ഉപയോഗിക്കുന്നത്, കമ്പ്യൂട്ടർ ലെ വിവരങ്ങൾ പേപ്പർ ലേക്ക് അച്ചടിക്കുവാൻ വേണ്ടി ആണ്. പല തരത്തിലുള്ള പ്രിൻറർ ഇന്ന് നിലവിലുണ്ട്.

Central Processing  Unit

നമ്മുടെ തലച്ചോറും ഹൃദയവും എന്ന് പറയുന്നത് പോലെ ആണ് കമ്പ്യൂട്ടർ ന്റെ CPU. വിവിധ യന്ത്ര ഭാഗങ്ങൾ ചേർന്നാണ് CPU പ്രവർത്തിക്കുന്നത്. അതിലെ പ്രധാനപ്പെട്ട ഭാഗങ്ങൾ നമുക്ക് താഴെ കാണാം.

1. Processor

പ്രോസ്സസർ ആണ് കമ്പ്യൂട്ടർ ന്റെ തലച്ചോറ്. എല്ലാ പ്രവര്ത്തനങ്ങളും പ്രോസ്സസർ ആണ് ചെയ്യുന്നത്.  നമ്മൾ നിർമ്മിക്കുന്ന പ്രോഗ്രാമ്മുകൾ പ്രോസ്സസർ നു വേണ്ടിയുള്ള നിർദ്ദേശങ്ങൾ ആണ്.

2. Memory

പ്രോസ്സസർ നു പ്രവർത്തനങ്ങൾ നടത്താൻ വേണ്ടി എല്ലാ വിവരങ്ങളും സൂക്ഷിച്ചു വയ്ക്കുന്ന ഭാഗമാണ് മെമറി. കമ്പ്യൂട്ടർ നു പ്രധാനമായും രണ്ടു മെമറി ആണുള്ളത്. ഒന്ന്, പ്രോസ്സസർ നു വേണ്ട വിവരങ്ങൾ കൊടുക്കാനും, പ്രവർത്തനങ്ങളുടെ പരിണിത ഫലം സൂക്ഷിക്കുവാനും വേണ്ടി ആണ് . ഈ മെമറി യെ നമ്മൾ, പ്രൈമറി മെമറി അഥവാ RAM എന്ന് പറയുന്നു. അതുപോലെ തന്നെ കമ്പ്യൂട്ടറിൽ സ്ഥിരമായി വിവരങ്ങൾ സൂക്ഷിക്കുവാൻ വേണ്ടി നമ്മൾ ഹാർഡ്ഡിസ്ക് ഉപയോഗിക്കുന്നു. ഇത് കമ്പ്യൂട്ടർ ന്റെ സെക്കന്ററി മെമറി എന്ന് പറയുന്നു.

CPU വിനെ കുറിച്ച് മനസ്സിലാക്കാൻ വേണ്ടി ആണ് മുകളിലെ വിവരങ്ങൾ കൊടുത്തത് . എന്നാൽ CPU വിനെ താഴെ പറയുന്ന ഭാഗങ്ങളായി ആണ് പൊതുവെ അറിയപ്പെടുന്നത്.
1. memory unit അഥവാ storage unit
2. control unit
3. arithmetic and logic unit

ഈ ഓരോ ഭാഗങ്ങളെയും കുറിച്ച് വീണ്ടും വേറെ പോസ്റ്റുകളിൽ വിശദമായി പ്രതിപാദിക്കുന്നതാണ്.

Operating System

കമ്പ്യൂട്ടർ ശാസ്ത്ര മേഖലയുടെ ഒരു സവിശേഷമായ ഒരു നാഴികക്കല്ലായിരുന്നു Operating System. ഒരു കാലത്തെ ശാസ്‌ത്രകഥാസാഹിത്യം അഥവാ സയൻസ് ഫിക്ഷൻ ആയിരുന്നു Operating System. എന്താണ് ശെരിക്കും പറഞ്ഞാൽ ഈ Operating System, നമുക്ക് നോക്കാം.

മുൻ പോസ്റ്റുകളിൽ പറഞ്ഞത് പോലെ, കമ്പ്യൂട്ടർ നു മനസ്സിലാകുന്ന ഭാഷ 1 ഉം 0 വും ആണ് (ഒന്നും , പൂജ്യവും). പക്ഷെ ലോകം അംഗീകരിച്ച മനുഷ്യരാശിക്ക് അറിയാവുന്ന ഭാഷ ഇംഗ്ലീഷ് ഉം ആണ്. അപ്പോൾ മനുഷ്യന് അറിയാവുന്ന ഭാഷയിൽ നിന്ന്, കമ്പ്യൂട്ടർ നു അറിയാവുന്ന ഭാഷയിലേക്ക് പരിവർത്തനം ചെയ്യുന്ന ഒരു പ്രോഗ്രാം അഥവാ ഒരു കൂട്ടം പ്രോഗ്രാമുകളുടെ സമ്മേളനം ആണ് Operating System.

ആദ്യകാലങ്ങളിൽ കമ്പ്യൂട്ടർ ശാസ്ത്രഞ്ജന്മാർ, പ്രോഗ്രാമ്മുകൾ നിർമ്മിക്കുമ്പോൾ, അവയിൽ പൊതുവായി വന്ന ഭാഗങ്ങളെ കൂട്ടി ചേർത്താണ് operating system ഉണ്ടാക്കിയത്. വീണ്ടും വീണ്ടും ഇത്തരം പ്രവർത്തനങ്ങൾ നിർമ്മിക്കുന്നതിൽ നിന്നും operating system നമ്മളെ സഹായിക്കുന്നു. കമ്പ്യൂട്ടർ ലെ എല്ലാ യന്ത്ര ഭാഗങ്ങളെയും സമന്വയിപ്പിച്ച്, നമ്മൾ കൊടുക്കുന്ന നിർദ്ദേശങ്ങൾ നടത്തി തരുന്നതും operating system ആണ്. സാധാരണ ഉപഭോക്താക്കളെയും പ്രോഗ്രാമ്മിംഗ് അറിയുന്ന ഉപഭോക്താക്കളെയും ഒരുപോലെ കൈകാര്യം ചെയ്യുന്ന രീതിയിലാണ്‌ ഇന്നത്തെ operating system നിര്മ്മിച്ചിരിക്കുന്നത്. operating system, കമ്പ്യൂട്ടർ ന്റെ ഹാർഡ്‌വെയർ വിശ ദാംശങ്ങൾ ഉപഭോക്താക്കളിൽ നിന്നും മറച്ചു വയ്ച്ചു, കമ്പ്യൂട്ടർ ഉപയോഗം കൂടുതൽ ലഹൂകരിക്കുന്നു.

(തുടരും)

കമ്പ്യൂട്ടർ ന്റെ ചരിത്രം - ഒരു എത്തിനോട്ടം

ഇലക്ട്രോണിക്സ്  ശാസ്ത്ര സാങ്കേതിക വിദ്യയുടേം മെക്കാനിക്കൽ ശാസ്ത്ര സാങ്കേതിക വിദ്യയുടേം സമന്വയം ആണ് കമ്പ്യൂട്ടർ ശാസ്ത്ര സാങ്കേതിക വിദ്യ, ഒപ്പം ഒരുപാടു കണക്കു കൂട്ടലുകളും. കമ്പ്യൂട്ടർ ആദ്യമായി നിര്മ്മിച്ചത് കണക്കു കൂട്ടുവാനാണ്, അതു തന്നെ ആയിരുന്നു അന്നെത്തെയും ഇന്നത്തെയും മനുഷ്യന്റെ പ്രാഥമികമായ ആവശ്യം. ആദ്യകാലങ്ങളിൽ കണക്കു കൂട്ടുവാനായി നിർമിച്ച യന്ത്രത്തിന്റെ പേര് abacus എന്നായിരുന്നു. കമ്പ്യൂട്ടർ ന്റെ പിതാവായി അറിയപ്പെടുന്നത് ചാൾസ് ബാബേജ്‌ ആണ്.അദ്ദേഹമാണ് 1837 ൽ ഇന്നത്തെ കമ്പ്യൂട്ടറിന്റെ ആദിമ രൂപമായ analytical engine ലോകത്തിനു വേണ്ടി അവതരിപ്പിച്ചത്. അന്നത്തെ analyical engine നു വളരെ ചെറിയ memory capacity  ഉണ്ടായിരുന്നുള്ളു. അവയുടെ പ്രോസിസ്സിംഗ് സ്പീഡും വളരെ കുറവായിരുന്നു.
Memory  : 1 KB
Clock  Speed  : 10 Hz

കമ്പ്യൂട്ടർ നു മനസ്സിലാകുന്ന ഭാഷ ബൈനറി ഭാഷ ആണ്. ബൈനറി ഭാഷയിൽ രണ്ടു അക്ഷരങ്ങൾ മാത്രമേ ഉള്ളു. 0 വും 1 ഉം . ഈ രണ്ടു അക്ഷരങ്ങളുടെ വിവിധ സമന്വയം, നമ്മൾ കൊടുക്കുന്ന ഓരോ ഉത്തരവുകളും കമ്പ്യൂട്ടർ നെ മനസ്സിലാക്കാൻ വേണ്ടി ശാസ്ത്രജ്ഞന്മാർ കമ്പ്യൂട്ടർ പ്രോഗ്രാമ്മിംഗ് ലാംഗ്വേജ് നിർമ്മിച്ചത്. ഇന്നു ലോകത്താകെ എത്ര കമ്പ്യൂട്ടർ പ്രോഗ്രാമ്മിംഗ് ലാംഗ്വേജ് ഉണ്ട് എന്ന് ചോദിച്ചാൽ , കുറച്ചു മണിക്കൂറുകൾ തന്നെ വേണ്ടി വരും അവയെ പറ്റി  പ്രതിപാദിക്കാൻ. കമ്പ്യൂട്ടർ പ്രോഗ്രാമ്മിംഗ് ലാംഗ്വേജ് കൾ, കമ്പ്യൂട്ടർ ശാസ്ത്ര മേഖലയുടെ ഒരു വലിയ നേട്ടം ആയിരുന്നു. ആ പ്രോഗ്രാമ്മിംഗ് ലാംഗ്വേജ് ഉപയോഗിച്ച്, അവർ തന്നെ operating  system  എന്ന ഒരു വലിയ കമ്പ്യൂട്ടർ പ്രോഗ്രാം നിർമിച്ചു. നമ്മൾ പറയുന്ന കാര്യങ്ങൾ കമ്പ്യൂട്ടറിന്റെ യന്ത്രഭാഗങ്ങൾക്ക് മനസ്സിലാകാൻ വേണ്ടി ഉള്ള പ്രോഗ്രാം ആയിരുന്നു operating system.

കമ്പ്യൂട്ടർ ശാസ്ത്ര മേഖലയുടെ വളർച്ച, നിരവധി operating system കളും നിരവധി പ്രോഗ്രാമ്മിംഗ് ലാംഗ്വേജ് കളും സാധാരണക്കാരായ ആൾക്കാർക്ക് മനസ്സിലാകത്തക്ക രീതിയിലേക്ക് നയിച്ചു. അത് തന്നെ ആയിരുന്നു ഈ മേഖല ഇത്രയേറെ ജനകീയവൽകരിക്കൻ ഇടയാക്കിയത്. ഇന്ന് ലോകത്തിന്റെ ഗതി നിർണയിക്കുന്നത് തുടങ്ങി, സാധാരണ മനുഷ്യന്റെ  ദൈനംദിന നിത്യോപോയോഗ ആവശ്യങ്ങളായും മാറിയിരിക്കുന്നു കമ്പ്യൂട്ടറും അതിന്റെ വളർച്ചയും . 

ആമുഖം

IT മേഖലയിലെ വിപ്ലവാത്മകപരവും നൂതനമായ ശാസ്ത്ര സാങ്കേതിക വിവരങ്ങളും  താല്പര്യമുള്ള ആൾക്കാരിലേക്ക് എത്തിക്കുക എന്നതിനും ഉപരിയായി IT മേഖലയിൽ പഠിക്കുകയും പഠിപ്പിക്കുകയും ചെയ്യുന്ന വിദ്യാർത്ഥികളെയും അധ്യാപകരെയും IT കമ്പനികളിലെ നൂതനമായ പദ പ്രയോഗങ്ങളും വിവര സാങ്കേതികതയേയും പരിപോഷിപ്പിക്കുക എന്നതാണ്. അത്തരത്തിൽ ഈ മേഖലയെ കൂടുതലായി ആഴത്തിൽ അറിയുന്നത് വഴി നമ്മുടെ സാധാരണക്കാരായ വിദ്യാർഥികൾ IT മേഖലയിലെ കാണാക്കയങ്ങൾ കണ്ടെത്തി ലോകത്തിന്റെ മുന്നിൽ ഓരോ പുതു വിപ്ലവം സൃഷ്ടിക്കാൻ ഒരു പ്രേരണ ആവട്ടെ എന്നും അഗഹിച്ചു കൊണ്ടും ആശംസിച്ചു കൊണ്ടും ആണ് ഈ ബ്ലോഗ്‌ ആരംഭിക്കുന്നത്. ഈ ബ്ലോഗിനെ കൂടുതൽ ജനകീയവൽക്കരിക്കാൻ വേണ്ടി, പിന്നീട് സ്വതന്ത്രമായ ഒരു പോർട്ടൽ സംവിധാനം തന്നെ തുടങ്ങുന്നതാണ്.

IT മേഖലയിൽ പഠിച്ചു കൊണ്ടിരിക്കുന്ന ഏതെങ്കിലും വിദ്യാർത്ഥികൾക്ക് അവരുടെ IT വിഷയങ്ങളിലുള്ള സംശയങ്ങൾ താഴെ പറയുന്ന ഇമെയിലിലോട്ടു അയച്ചാൽ, ആ വിഷയങ്ങൾ എന്റെയോ എന്റെ സുഹൃത്തുക്കളുടെയോ അറിവിലുള്ളതാണേൽ, എത്രയും പെട്ടെന്ന് ആ വിഷയം  ബ്ലോഗിലെ പുതിയ പോസ്റ്റ്‌ ആയി മാറുന്നതാണ്. അതിനു സാധിച്ചില്ലേൽ, ആ വിഷയത്തെ കുറിച്ചു കൂടുതൽ അറിയാനുള്ള വിവരങ്ങൾ ഈമെയിലിൽ കൂടി തിരിച്ചു അയക്കുന്നതാണ്.

itmalayalamnotes@gmail.com

ഈ ബ്ലോഗിൽ കൂടുതലായും ജാവ, വെബ്‌ സാങ്കേതിക അറിവുകൾ , മൊബൈൽ പ്രോഗ്രാമ്മിംഗ്, വെബ്‌ സർവീസ് എന്നിവയെ കുറിച്ചാകും കൂടുതലായി പരാമർശിക്കുക. എന്നിരുന്നാൽ തന്നെയും, IT മേഖലയിലെ എതൊരറിവും അവയുടെ വിശ്വസ്തതയുടെ മൂല്യത്തിനനുസരിച്ച് അവതരിപ്പിക്കുന്നതാകും.

ഈ ബ്ലോഗ്‌ ഉപയോഗിക്കുന്ന എല്ലാവർക്കും നന്ദി അറിയിക്കുന്നു. ഭാവിയിൽ, ഈ  ബ്ലോഗിനെ കൂടുതൽ വളർച്ചയുടെ പടവുകൾ താണ്ടാൻ സഹായിക്കുന്ന എല്ലാവർക്കും കടപ്പാടും അറിയിക്കുന്നു. ഈ ബ്ലോഗിലെ വിവരങ്ങൾ കൂടുതലും ഈ മേഖലയിൽ ജോലി ചെയ്യുന്നവരുടെ അറിവുകളും, ഒപ്പം ഇന്റർനെറ്റ്‌ എന്ന മഹാ ശാസ്ത്രജ്ഞന്റെ അനുഭവ കുറിപ്പുകളിൽ നിന്നെടുത്തതും  ആയിരിക്കും.